Ano ang sukat ng halaga ng isang buhay
Kayamanan ba o di kaya ang pangalan
Ano ang titimbang sa husto o kulang
Ng katuparan ng adhikain at paninindigan
May gantimpala bang dapat pang asahan
Upang kumilos ng tama’t makatuwiran
Saglit lamang ang ating buhay
Tilamsik sa dakilang apoy
Ang bukas na nais mong makita
Ngayon pa ma’y simulan mo na
Ang bawat tibok ng iyong puso
Minsan lamang madarama
Ito ang kumpas ng ating awit
Na sadyang may hangganan
May gantimpala bang dapat pang asahan
Upang kumilos ng tama’t makatuwiran
Kat’wan at isipa’y kukupas
At sa lupa’y yayakap din
Subalit ang bunga ng iyong pamana’y
Higit pa sa pinagmulan
Saglit lamang ang ating buhay
Tilamsik sa dakilang apoy
Ang bukas na nais mong makita
Ngayon pa ma’y simulan mo na